Bruce Willis është zhvendosur në një shtëpi të veçantë ku jeton me një ekip kujdestarësh 24/7, pasi shëndeti i tij mendor është përkeqësuar.
“Ishte një vendim i vështirë për t’u marrë”, tha gruaja e tij, Emma Heming. “Por kjo është ajo që ai do të kishte dëshiruar për vajzat e tij”, shtoi ajo në një intervistë me Diane Sawyer të ABC.
Ylli i “Die Hard” ka vuajtur prej kohësh nga një formë progresive e demencës: “Bruce do të kishte dashur që Mabel dhe Evelyn të jetonin në një shtëpi të projektuar për nevojat e tyre, jo të tijat”, tha gruaja e aktorit. Shtëpia e dytë është afër shtëpisë familjare dhe vajzat, të moshës 13 dhe 11 vjeç, e shohin babanë e tyre “shpesh”.Willis ka tre fëmijë të tjerë të rritur me Demi Moore: Rumer, 37 vjeç, Scout, 34 vjeç, dhe Tallulah, 31 vjeç. Aktori është fizikisht “shumë mirë”, por truri i tij po “dështon”, ashtu si edhe aftësia e tij për të komunikuar me botën e jashtme, zbuloi Heming disa ditë më parë.
