Gjykata e Apelit në SHBA ka vendosur se tarifat e vëna nga presidenti Trump ndaj shteteve të tjera janë të paligjshme. Në vendim theksohet se e drejta për aplikimin e taksave dhe tarifave i përket Kongresit. Ky vendim nuk hyn në fuqi deri më 14 tetor, deri atëherë pritet që çështja të trajtohet nga Gjykata Supreme.
Gjykata e Apelit në SHBA ka vendosur që shumica e tarifave të vendosura nga presidenti Donald Trump janë të paligjshme.
Me vendimin e marrë me 7 vota për dhe 4 kundër, Gjykata e Apelit hodhi poshtë argumentin e presidentit Trump se tarifat ishin të lejuara në bazë të Aktit për Kompetencat Ekonomike Emergjente, duke i cilësuar ato të pavlefshme dhe në kundërshtim me ligjin.
Në vendimin e Gjykatës thuhet se e drejta për aplikimin e taksave dhe tarifave vazhdon t’i përkasë Kongresit dhe se Akti për Kompetencat Ekonomike Tregtare Emergjente nuk e anashkalon këtë kompetencë.
Ky vendim i gjykatës nuk hyn në fuqi deri më 14 tetor, për t’i dhënë kohë administratës që t’i drejtohet Gjykatës Supreme për shqyrtimin e çështjes.
Presidenti Trump reagoi në rrjetin e tij social, duke shkruar se nëse ky vendim zbatohet, kjo “thjesht do të shkatërronte Shtetet e Bashkuara të Amerikës”. Ai shtoi: Sot, Gjykata e Lartë e Apelit tha se tarifat duhet të hiqen, por ata e dinë se Shtetet e Bashkuara të Amerikës në fund do të fitojnë.
Trump ka shpallur gjendjen e jashtëzakonshme kombëtare sa i përket tregtisë, duke argumentuar se çekuilibrimi tregtar është i dëmshëm për sigurinë kombëtare të SHBA-së.
Vendosjen e tarifave për shtetet anembanë botës presidenti amerikan e kishte justifikuar në bazë të Aktit Ndërkombëtar të Kompetencave Ekonomike për Emergjenca, i cili i jep presidentit kompetenca për të vepruar kundër kërcënimeve “të pazakonshme dhe të jashtëzakonshme”.
Trump i kishte vendosur tarifat në bazë të Aktit Ndërkombëtar për Kompetencat Ekonomike
