Policia e Kosovës ka njoftuar se mbrëmë, rreth orës 20:30, në fshatin Baincë të Lipjanit, janë arrestuar tre persona të dyshuar, të gjithë të mitur, pas një mosmarrëveshjeje që ka përfunduar me rrahje e shprepje arme.
Gjatë incidentit, njëri nga të dyshuarit ka shtënë dy herë në ajër me armë zjarri. Në vendngjarje, policia ka sekuestruar një pistoletë me tre fishekë dhe dy gëzhoja.
“Baincë, Lipjan / 29.08.2025 – 20:30. Janë arrestuar tre të dyshuar m/k të mitur, pasi që pas një mosmarrëveshje ka ardhur deri tek rrahja në mes tyre, ku njëri nga të dyshuarit kishte shtënë dy herë në ajër me armë zjarri. Pistoleta me tre fishek dhe dy gëzhoja janë sekuestruar”, thuhet në raportin ditor të Policisë së Kosovës.
Sipas vendimit të prokurorit, dy të dyshuar janë liruar në procedurë të rregullt, ndërsa njëri është dërguar në mbajtje.
