Policia e Tiranës prangosi katër persona në një nga lokalet e kryeqytetit, pasi iu gjetën më shumë se 1 kilogram kokainë.

 

Efektivët e Antidrogës arrestuan dy shpërndarësit e dyshuar të drogës, Armet L. dhe Gëzim P., si dhe dy shtetas grekë, shokët e tyre, që akuzohen për moskallëzim krimi.

Agjentët sekuestruan 1 kg e 65 gramë lëndë e dyshuar narkotike kokainë, dy automjete tip “Benz”, katër aparate celular dhe një shumë parash.

Dy poseduesit përdornin automjete të ngjashme me njëra-tjetrën për transportimin dhe shpërndarjen e lëndës narkotike, me qëllim hutimin e Policisë.