Futbollisti më i ri i Kombëtares së Kosovës, Leon Avdullahu tashmë ka arritur në Prishtinë.
Avdullahu, i cili pak ditë më herët vendosi t’i bashkohet Dardanëve, sot i është bashkuar kombëtares sonë.
Avdullahu duke folur para gazetarëve në aeroportin ‘Adem Jashari’, ka thënë se është i lumtur që tashmë do të vesh fanellën dardane.
Ai thotë se Kosovën e ka zgjedhur me zemër. Avdullahu premton më të mirë në kombëtaren tonë. Ai thotë se i ka pëlqyer projekti i FFK-së.
“Po ndihem shumë mirë. Jam shumë i kënaqur dhe kam vendosur më zemër. Jam shumë i lumtur që e kam marr këtë vendim. Me ka pëlqyer projekti i Federatës së Futbollit të Kosovës dhe ka qenë më lehtë me vendos”, ka thënë Avdullahu.
Ai beson se Kosova do të bëjë paraqitje të mirë në duel me Zvicrën. Sipas tij, Dardanët shkojnë në Bazel për fitore.
“Në Bazel shkojmë më fitu dhe më bërë një lojë të mirë edhe pse e dimë se Zvicra është favorit, por edhe ne kemi një ekip të mirë. Çdo herë do të jap maksimumin”, ka theksuar Avdullahu.
