Dy persona janë arrestuar në Pejë në raste të ndara, njëri se kishte vjedhur një biçikletë në verë prej pesë mijë eurosh e tjetri, një i mitur pasi dyshohet se kishte vjedhur një motoçikletë në vlerë prej katër mijë euro.
Personi që kishte vjedhur biçikletën, siç ka bërë të ditur policia, me urdhër të prokurorit është dërguar në mbajtje.
“Stacioni policor në Pejё, me datёn 30.09.2025, ka pranuar informacion se nё rrugën ‘Emrush Miftari’ nё Pejё, ёshtё vjedhur njё biçikletё nё vlerё prej pesё mijё (5000) euro. Pas njё pune intensive hetuesit e këtij stacioni kanё arritur ta arrestojnë njё person tё dyshuar, ku pas intervistimit, i dyshuari, me urdhёr tё prokurorit tё Shtetit, ёshtё dёrguar nё mbajtje pёr 48 orё”, thuhet në njoftim.
Ndërkaq i mituri që dyshohet të ketë vjedhur motoçikletën, sipas policisë është liruar me procedurë të rregullt pas inervistimit nё prezencёn e avokatit mbrojtёs dhe punëtorit të Qendrës pёr Punё Sociale.
“Me datёn 31.08.2025, Policia ka pranuar njё informacion se nё rrugën ‘Ramё Lajqi’ nё Pejё, ёshtё vjedhur njё motoçikletё nё vlerё prej katёr mijё (4000) euro. Pas njё pune intensive hetuesit e këtij stacioni kanё arritur ta arrestojnë njё person tё dyshuar (i mitur), ku pas intervistimit nga hetuesit, nё prezencёn e avokatit mbrojtёs dhe punëtorit të Qendrёs pёr Punё Sociale, i dyshuari me urdhёr tё prokurorit tё Shtetit, ёshtё liruar nё procedurё tё rregullt”, thuhet në njoftim.
Policia ka bërë të ditur se biçikleta dhe motoçikleta u janë kthyer pronarëve legjitimë.
