Brenda 24 orëve të fundit, Policia e Kosovës raportoi se nuk ka pasur aksidente trafiku me fatalitet.
Gjatë kësaj periudhe janë regjistruar 19 aksidente me të lënduar dhe 48 aksidente me dëme materiale.
Për shkeljet e trafikut janë shqiptuar gjithsej 2366 tiketa. Në të njëjtën kohë, 14 persona janë arrestuar dhe 12 të tjerë janë në mbajtje. Nuk ka pasur persona në ndalim policor apo në vuajtje të dënimit gjatë 24 orëve të fundit.
Policia bën thirrje për respektim të rregullave të trafikut dhe bashkëpunim për një mjedis më të sigurt për të gjithë qytetarët.
