“I dashur mik, unë dhe i gjithë delegacioni rus jemi të kënaqur që takohemi përsëri me miqtë dhe kolegët tanë kinezë”, tha Putin.
Ai shtoi se Kina dhe Rusia kanë qenë gjithmonë bashkë, si në të kaluarën ashtu edhe tani.
Jinping i tha Putinit se “marrëdhëniet Kinë-Rusi i kanë rezistuar provës së ndryshimeve ndërkombëtare”, duke shtuar se Pekini është gati të bashkëpunojë me Moskën për të “promovuar ndërtimin e një sistemi më të drejtë dhe më të arsyeshëm të qeverisjes globale”.
Xi do të organizojë paradën më të madhe ushtarake të mbajtur ndonjëherë në Kinë të mërkurën, duke shënuar 80-vjetorin e kapitullimit të Japonisë në Kinë në fund të Luftës së Dytë Botërore.
Kjo vjen në një kohë kur Xi dëshiron të projektojë fuqinë e Pekinit në skenën ndërkombëtare – jo vetëm si ekonomia e dytë më e madhe në botë, por edhe si një fuqi e madhe diplomatike.
Ai theksoi rolin e Kinës si një partner i qëndrueshëm tregtar, ndërsa tarifat e Presidentit të SHBA-së, Donald Trump, kanë prishur marrëdhëniet ekonomike.
