Të akuzuarit për kanosje me jetë ndaj kryeministrit në detyrë, Albin Kurti, Faton Klinaku dhe Nuredin Selmani jane deklaruara të pafajshëm në seancën e shqyrtimin fillestar.
Gjykatësi tha se konform Kodit të Procedurës Penale, meqenëse nuk ka pranim të fajësisë, njofton mbrojtësit e të akuzuarve, avokatët Ramë Dreshaj dhe Labinot Vata, se në afat prej 30 ditësh mund të paraqesin kundërshtim të provave.
Kurti në Gjykatë për rastin ndaj Klinakut, i akuzuar për kanosje ndaj tij
Kryeministri në detyrë, Albin Kurti, ka arritur në Gjykatën Themelore në Prishtinë, ku sot do të mbahet shqyrtimi fillestar në çështjen gjyqësore ndaj Faton Klinakut, i cili akuzohet për kanosje ndaj tij.
Ndryshe Prokuroria Speciale e Kosovës ka ngritur aktakuzë ndaj Faton Klinakut për veprën penale “Kanosja”. Gjithashtu, aktakuza është ngritur edhe ndaj një të pandehuri tjetër, N.S., është bërë e ditur në një njoftim zyrtar.
“Sipas aktakuzës, më 29.08.2023, i pandehuri F.K., me qëllim që ta frikësojë dhe ta detyrojë personin zyrtar – tani të dëmtuarin A.K. – në cilësinë e tij si kryeministër i Republikës së Kosovës, që të ndërmarrë ose të mos ndërmarrë veprime të caktuara në kuadër të ushtrimit të detyrës së tij zyrtare, e ka kanosur atë përmes profilit të tij personal në rrjetin social ‘Facebook’, duke postuar shkrime me përmbajtje kërcënuese,” ka njoftuar Prokuroria.
