Qeveria ka njoftuar se takimi, i organizuar nga Ambasada e Republikës së Kosovës në Gjermani, u fokusua në diskutime rreth progresit që ka shënuar Kosova gjatë viteve të fundit, përparimit drejt integrimit evropian, zhvillimit ekonomik dhe fazave të fundit të procesit të dialogut.

“Bislimi i njoftoi të pranishmit për arritjet ekonomike të vendit, duke theksuar një rritje ekonomike mesatare prej 6% gjatë mandatit aktual qeverisës. Ai gjithashtu foli për përparimin në sundimin e ligjit, implementimin e reformave brenda agjendës evropiane, si dhe përmirësimet e dukshme në renditjet ndërkombëtare që pasqyrojnë këtë progres”, thuhet në njoftim.