Një qytetar ka dorëzuar në Polici një kuletë me 1870 euro të gjetur në një parking në Klinë. Kuleta iu është kthyer pronarit nga zyrtarët policorë.
Sipas njoftimit të Policisë, më 04 shtator 2025, qytetari Ilir Tunaj kishte gjetur një çantë në parkingun e një marketi në Klinë, brenda së cilës gjendej një kuletë me para.
Pas pranimit të rastit, Policia ka identifikuar pronarin e kuletës dhe e ka ftuar në Stacionin Policor Klinë, ku i janë kthyer paratë dhe sendet personale.
Policia e Kosovës ka falënderuar qytetarin për ndershmërinë dhe përgjegjësinë e lartë qytetare të treguar.