“Në qytetin tonë, Armani është kudo, është e pamundur ta harrojmë atë”, tha kryebashkiaku i Milanos, Beppe Sala.
Mijëra njerëz janë rreshtuar jashtë Teatrit Armani që ndodhet në Via Bergonnone në Milano për t’i bërë homazh stilistit të madh të modës, Giorgio Armani.
Në realitet, ka dy radhë: njëra e formuar vetëm nga punonjësit e shtëpisë së modës me famë ndërkombëtare, dhe e dyta nga banorët e Milanos dhe më gjerë. Të gjithë ata që e konsideronin stilistin e ndjerë një pasuri unike për vendin e tyre.
Në kryeqytetin italian, është shpallur ditë zyrtare zie për pasnesër, ndërsa funerali i ” Mbretit Giorgio ” do të mbahet në një rreth të ngushtë familjar.
“Shpresoj të lë një kujtim të përpjekjes së vazhdueshme, respektit dhe një qasjeje të kujdesshme ndaj njerëzve dhe realitetit. Çdo gjë fillon nga aty”, është fraza e Giorgio Armani-t , e cila projektohet në një ekran gjigant brenda teatrit, ku po zhvillohet pelegrinazhi popullor. Hapësira është zbukuruar me lule të bardha.
“Në qytetin tonë, Armani është kudo, është e pamundur ta harrosh. Ai besonte në veprimin profesional si një mënyrë për përmbushje personale dhe profesionale. Në shikim të parë ai mund të dukej i largët, por në realitet ai ishte shumë i ngrohtë dhe i përzemërt, ai gjithmonë i kuptonte vështirësitë e njerëzve”, tha kryebashkiaku i Milanos, Beppe Sala.
