Fasulet e freskëta jeshile kaurdisen me qepë dhe shumë domate lëngshme në vaj ulliri të bërë në shtëpi derisa të përftoni një pjatë të shijshme që shkrihet në gojë.
Fasulet jeshile turke ose zeytinyağlı taze fasulye janë një pjatë vegjetariane popullore në këtë vend me shumë milionë banorë në dy kontinente.
Ajo feston pasurinë e përbërësve të verës -fasulet e freketa jeshile apo groshe kaurdisen me qepë dhe shumë domate lëng në vaj ulliri të bërë në shtëpi derisa të përftoni një pjatë të pasur që shkrihet në gojë. Mund t’i servirni
fasulet jeshile turke si pjesë të një mezeje, por edhe si pjatë shoqëruese me një pjatë kryesore. Ato shkojnë shumë mirë me salca me bazë kosi dhe me bazë bimore.
Përbërësit:
- 500 g fasule jeshile të freskëta dhe të pastruara
- 65 ml vaj ulliri të bërë në shtëpi
- 2 domate
- 1 qepë
- 1-2 thelpinj hudhër
- 1 limon
- 1 lugë gjelle koncentrat domatesh
- 1 lugë gjelle sheqer të bardhë
- kripë dhe piper sipas dëshirës
- majdanoz i freskët
Përgatitja:
- Ngrohni vajin në një tenxhere ose tigan të madh dhe skuqni qepën e grirë imët për rreth pesë minuta derisa të zbutet.
- Shtoni hudhrën e grirë dhe pastën e domates. Përziejini mirë të gjitha dhe kaurdisini për rreth gjysmë minute tjetër.
- Shtoni domate të prera dhe fasule jeshile.
- Kriposni, piperosni dhe sheqeroni. Përzieni gjithçka mirë.
- Mbulojeni tiganin/tenxheren dhe gatuajeni në zjarr të ulët për rreth gjysmë ore, ose derisa fasulet të jenë të buta dhe të gatuara plotësisht.
- Drejt fundit të gatimit, shtoni majdanozin e grirë dhe spërkateni me pak lëng limoni. Shijojeni!
