Lady Gaga u shpall Artistja e Vitit në MTV Video Music Awards të këtij viti, duke fituar gjithsej katër çmime.
Përveç saj, në garë për këtë çmim ishin edhe Taylor Swift, Beyoncé dhe Kendrick Lamar, dhe pasi ia dorëzoi çmimin, ajo ua dedikoi atë fansave të saj, të njohur si “Little Monsters”, si dhe të fejuarit të saj Michael Polanski.
“Të jesh artist do të thotë të përpiqesh të lidhësh shpirtrat e njerëzve në mbarë botën. Është një disiplinë, një zanat që prek zemrën, hedh rrënjë dhe u kujton njerëzve të ëndërrojnë”, tha Lady Gaga ndërsa pranoi çmimin për Artistin e Vitit.
Nga gjithsej 12 nominime, ajo fitoi çmimet për regjinë më të mirë dhe skenografinë më të mirë për videon “Abracadabra”, dhe së bashku me Bruno Mars, fitoi edhe çmimin për bashkëpunimin më të mirë për këngën “Die With A Smile”.
