Kryetari i Lidhjes Demokratike të Kosovës (LDK), Lumir Abdixhiku, ka mbledhur kryetarët e 83 nëndegëve të partisë në Prishtinë, në kuadër të përgatitjeve për tubimin e madh të hapjes së fushatës.
Ai ka bërë thirrje për pjesëmarrje masive në këtë ngjarje, e cila do të mbahet të shtunën, më 12 tetor, nga ora 18:00, në Pallatin e Rinisë.
“Prishtina gati për të shtunën dhe tubimin e madh të hapjes. Me një strukturë si kjo, çdo përpjekje bëhet e lehtë. Të shtunën, në ora 18:00, të gjitha rrugët çojnë tek Pallati i Rinisë. Aty ngrihemi si një, përsëri. Ejani të gjithë, në festën tonë të madhe. 12 tetori është dita jonë”, ka deklaruar Abdixhiku.
Ky tubim pritet të shënojë nisjen zyrtare të fushatës së LDK-së për zgjedhjet e 9 shkurtit 2025.
https://www.facebook.com/abdixhiku/posts/10162231298827759?ref=embed_post
