Ministri i Jashtëm jordanez, Ayman Safadi, i bëri thirrje Këshillit të Sigurimit të OKB-së të veprojë në mënyrë efektive për të frenuar arrogancën izraelite dhe për të mbrojtur rajonin nga veprimet katastrofike.
Safadi tha se Izraelit nuk i intereson e drejta ndërkombëtare.
“Në vend të kësaj, e konsideron veten mbi ligjin dhe përdor brutalitetin për të imponuar një ideologji raciste”, tha ai.
Ai paralajmëroi se qëllimet ekspansioniste të Izraelit në territoret e pushtuara palestineze, si dhe në Liban dhe Siri, kërcënojnë rajonin dhe duhet të parandalohen.
Duke folur për sulmin izraelit në Doha, kryeqytetin e Katarit, Safadi tha se Izraeli po “tradhtonte pa turp një vend që bashkëpunoi me SHBA-në për të arritur një marrëveshje shkëmbimi dhe një armëpushim të përhershëm”.
“Ne e dënojmë këtë sulm brutal dhe tinëzar ndaj Katarit”, shtoi ai.
