CHARLIE Kirk postoi mesazhin e tij të fundit në rrjetin social X vetëm disa orë para se të vritej në shtetin amerikan të Utah. Në të, aktivisti konservator përmend nevojën për të “politizuar vrasjen e pakuptimtë” të një gruaje ukrainase që jetonte në Karolinën e Veriut.
Irina Zarutska, 23 vjeç, u vra në një sulm të paprovokuar në një tren muajin e kaluar. Vdekja e saj shkaktoi një debat të gjerë rreth sistemit amerikan të drejtësisë dhe krimit në qytetet amerikane.
“Nëse duam që gjërat të ndryshojnë, është 100% e nevojshme të politizojmë vrasjen e pakuptimtë të Irina Zarutskaya-s, sepse politika lejoi që një përbindësh i egër me 14 akuza penale të ecte lirshëm nëpër rrugë për ta vrarë atë”, shkroi Kirk në X.
Ai ndau një video në të cilën e përshkroi vdekjen e saj si “një nga vrasjet më të ftohta dhe më të pakuptimta që kam parë ndonjëherë”. “Nuk më pëlqen të politizoj situatat, por ky rast thjesht e kërkon këtë”, tha Kirk.
Kamera e sigurisë ka filmuar vrasjen
Një grua 23-vjeçare ukrainase u godit për vdekje me thikë nga një burrë 34-vjeçar i pastrehë me një histori të gjatë shkeljesh ligji dhe sëmundjesh mendore të premten në mbrëmje, më 22 gusht, dhe vajza vdiq në vendngjarje nga plagët e shkaktuara nga thika.
Pamjet e kamerave të sigurisë, të publikuara nga Sistemi i Tranzitit të Zonës së Charlotte-s (CATS), tregojnë Zarutskën duke hipur në tren në orën 9:46 të mbrëmjes, e veshur me një uniformë picerie, e ulur dhe duke parë celularin e saj.
Vetëm katër minuta më vonë, 34-vjeçari Decarlos Brown Jr. nxori një thikë të palosshme, duke e therur tri herë, të paktën një herë në qafë, tha policia.
