Telefoni celular i ministrit izraelit të Mbrojtjes, Israel Katz, u hakua nga hakerë turq, të cilët e telefonuan në një video-telefonatë dhe regjistruan reagimin e tij ndaj telefonatës surprizë.
Fillimisht, numri i telefonit të Ministrit të Mbrojtjes Katz u shpërnda gjerësisht në rrjetet sociale Telegram dhe X, pas së cilës një nga anëtarët e grupit të hakerëve nga Turqia kontaktoi Katz nëpërmjet video-thirrjes.
Ministri izraelit iu përgjigj thirrjes dhe hakerët turq arritën të kapnin një pamje të ekranit të momentit kur Katz iu përgjigj thirrjes.
(Foto: Network X / Clash Report)
Numri i telefonit celular të ministrit izraelit u shkëput pas një numri të madh telefonatash që ai mori dhe ky nuk është rasti i parë i një sulmi hakerash ndaj zyrtarëve izraelitë.
Në gusht, hakerat nga Irani arritën të “hynin” me sukses në telefonin personal të ish-Ministres së Drejtësisë, Ayelet Shaked, e cila informoi shërbimin e inteligjencës izraelite Shin Bet për sulmin.
Sipas një hetimi të Shin Bet, hakerat izraelitë arritën të hakonin me sukses telefonin celular të një ministreje izraelite pasi ajo gabimisht klikoi në një lidhje që i ishte dërguar.
Shërbimet izraelite të sigurisë deklarojnë se në muajt e fundit, janë regjistruar të paktën 85 përpjekje për sulme kibernetike kundër përdoruesve të ndryshëm nga Izraeli.
