KFOR njofton se sot, Komandanti i misionit Gjenerallejtënant Enrico Barduani, dhe Shefi i Zyrës së BE-së në Kosovë Aivo Orav, nënshkruan një Memorandum Mirëkuptimi që rregullon mbështetjen dhe asistencën e KFOR-it “në rast të zhvendosjes ose evakuimit gjatë situatave kritike”.
Sipas KFOR-it, përmes këtij MoU, dy misionet “formalizojnë procedurat që forcojnë besimin reciprok, qartësojnë rolet dhe përmirësojnë koordinimin, duke mundësuar që të dy misionet të reagojnë në mënyrë efikase dhe kohezive brenda mandatit të tyre përkatës”.
KFOR thekson se Memorandumi “dëshmon angazhimin e aktorëve ushtarakë dhe civilë për të punuar së bashku në mënyrë proaktive, duke përforcuar kështu gatishmërinë, stabilitetin dhe sigurinë në rrethana sfiduese në terren”.
