Nën sloganin ‘Për ty jo për vllazni’, kandidatja për kryetare e Deçanit nga PSD-ja, Natyra Kuçi, ka nisur zyrtarisht fushatën elektorale për zgjedhjet e 12 tetorit.
Ajo nga hapësira Qendrës Rinore të kësaj komune, që sipas saj, i është dhënë në shfrytëzim një privati, premtoi se me të në krye e njëjta do t’i kthehet rinisë e qytetarëve të kësaj komune.
“Slogani ynë është e vërteta e fushatës tonë , është një ndarje e rreptë mes të kaluarës që nuk duhet të kthehet më, dhe të ardhmes. Për të realizuar konceptin e fushatës tonë ne duhet t’i fitojmë zgjedhjet, na duhet fuqi vendimmarrëse. E nga këtu zotohem se pushteti pas 12 tetorit nuk do të jetë pushtet që do t’i shërbejë vëllezërve, nuk do të jetë asambleja e drejtorët ata që marrin vendime në baza partiake familjare”, tha Kuçi.
Ajo deklaroi se me të në krye të Deçanit, do të ketë vendime për ujin e pijes, për rregullimin e rrjetit të kanalizimit, për renovimin e shkollave e rregullimin e cilësisë së arsimit, vendime për bujkun e për rininë.
