Pas disa testeve nën ngarkesën më të lartë dhe formaliteteve të tjera, autoritetet kineze miratuan zyrtarisht lejen për hapjen e urës, e cila do të bëhet edhe më e larta në botë.
Ura e Kanionit të Madh Huijang në rajonin jugperëndimor të Guizhou ngrihet në një lartësi të pabesueshme prej 625 metrash mbi tokë, duke e bërë atë pothuajse dy herë më të lartë se Kulla Eiffel.
Provinca Guizhou është një zonë malore e Kinës, me terren kompleks. Ura përshkon Kanionin e Madh dramatik Huajiang, i njohur edhe si “Çarja e Tokës”.
Kina po përpiqet të përmirësojë infrastrukturën në të gjithë vendin, veçanërisht në rajonet malore relativisht të pazhvilluara si Guizhou, i cili ndodhet 1,287 kilometra në perëndim të qytetit të Shenzhen.
Ura është gati tre kilometra e gjatë dhe pesha e saj do të jetë mbi 22,000 ton.
“Testi provë u krye për të kontrolluar performancën e urës nën ngarkesat e rënda të automjeteve dhe për të siguruar qëndrueshmërinë e saj strukturore përpara se të hapet për publikun. Testi shënon një nga hapat e fundit përpara se ura të bëhet funksionale”, thanë më parë kontraktorët.
