“Shërbimi i sigurisë qeveritare neutralizoi së fundmi një dron që po fluturonte mbi ndërtesën qeveritare në Rrugën Parkowa dhe mbi Pallatin Belweder”, njoftoi Tusk në platformën X. Belweder është një nga rezidencat zyrtare të presidentit polak.
“Dy shtetas bjellorusë janë arrestuar. Policia po kryen një hetim”, shtoi kryeministri.
Incidenti ndodhi në një kohë kur Polonia është në gatishmëri të lartë pas ndërhyrjes më të madhe të dronëve rusë në hapësirën e saj ajrore javën e kaluar që nga fillimi i luftës në Ukrainë.Pastaj, avionët luftarakë perëndimorë qëlluan për herë të parë objektiva ruse, duke shkaktuar shqetësime të reja në një rajon që ka qenë në një gjendje të vazhdueshme tensioni që nga viti 2022, kur Moska nisi një pushtim të Ukrainës.
Tusk paralajmëroi në atë kohë se kjo ishte “më afër që kemi arritur në një konflikt të hapur që nga Lufta e Dytë Botërore”.
