Presidenti i SHBA-së, Donald Trump, postoi në rrjetin e tij social Truth pas takimit tregtar SHBA-Kinë në Evropë, duke thënë se bisedimet shkuan mirë dhe se një marrëveshje ishte afër.
“Takimi i madh tregtar në Evropë midis Shteteve të Bashkuara dhe Kinës shkoi SHUMË MIRË! Do të përfundojë së shpejti. U arrit gjithashtu një marrëveshje për një kompani të ‘caktuar’ që të rinjtë e vendit tonë donin vërtet ta shpëtonin. Ata do të jenë shumë të lumtur! Do të flas me Presidentin Xi të premten. Marrëdhënia mbetet shumë e fortë!!!” shkroi Trump në rrjetin e tij social Truth.
Me sa duket, ai po i referohej TikTok-ut. Ministri amerikan i Financave, Scott Bessent, tha sot se në negociatat tregtare me kinezët në Madrid, u arrit një kornizë për një marrëveshje mbi atë aplikim, e cila do të hapte rrugën për transferimin e tij në pronësi amerikane. Bessent shtoi se detaje të mëtejshme do të përcaktohen në një takim midis Trump dhe Presidentit kinez Xi Jinping të premten.
