Edhe pse në muajt e fundit është folur gjithnjë e më shumë për rritjen e çmimeve në Turqi,, gjë që shqetëson shumë turistë, një grua britanike ndau një përvojë krejtësisht të kundërt. Konkretisht, ajo u befasua këndshëm nga çmimi i një vakti të plotë me tre pjata në një nga vendpushimet më të njohura, dhe videoja e saj në TikTok shpejt fitoi vëmendje.
Gruaja, e njohur në TikTok si @lifeoflottss, zbuloi në video se pavarësisht diskutimeve për inflacionin, prapë mund të gjesh oferta të shkëlqyera. Ajo shpjegoi se hasi në një restorant në Marmaris që thjesht duhej ta ndante me ndjekësit e saj, raporton Index.hr.
Në video, Lots tha: “Përshëndetje të gjithëve! Nëse po qëndroni në zonën Armutalan të Marmaris, mund të merrni një vakt me tre pjata këtu për 3.50 £ (rreth 4 €). Nëse doni vërtet të provoni kuzhinën tradicionale turke, unë e rekomandoj vërtet këtë vend.”
Shikoni videon KËTU.
Njoftimi i saj shkaktoi një mori komentesh dhe pyetjesh. Ajo konfirmoi se çmimet janë të njëjta “gjithë vitin” dhe u zbuloi turistëve kuriozë se restoranti quhet Anadolu Yemek Evi. Shumë prej tyre kanë ndarë përvojat e tyre pozitive.
“E dua këtë vend. Im shoq vazhdon të vijë të na sjellë ushqim. Është shumë mirë”, shkroi një përdorues. Një tjetër shtoi: “Është tepër i lirë”. Një i tretë deklaroi: “Ne ishim në Turqi në qershor. Ushqimi ishte vërtet i mirë dhe buka në tryezë ishte fantastike”.
Restoranti Anadolu Yemek Evi ka gjithashtu vlerësime të shkëlqyera në TripAdvisor, me një vlerësim mesatar prej pesë yjesh. Një vizitor e përshkroi atë si vendin me “vaktin më të mirë” në Marmaris.
