“Greqia është një partner kyç në avancimin e sigurisë dhe interesave energjetike amerikane në Mesdheun Lindor”, thotë Sekretari i Brendshëm i SHBA-së dhe kryetari i Këshillit të Sovranitetit të Energjisë, Doug Bergham, në një intervistë ekskluzive per mediet greke
Sekretari i Brendshëm i SHBA-së dhe Kryetari i Këshillit të Sovranitetit të Energjisë, Doug Bergham, e përshkruan formalizimin e interesit të Chevron në jug të Kretës si një zhvillim pozitiv për interesat më të gjera energjetike të Shteteve të Bashkuara në Mesdheun Lindor. Në një intervistë ekskluzive per median greke me “K”, disa ditë pas kthimit të tij në Uashington, ai deklaron se “Greqia është një partner kyç në promovimin e sigurisë amerikane dhe interesave energjetike në Mesdheun Lindor” dhe thekson se me “infrastrukturën e mbështetur nga amerikanët po ndihmojmë Evropën të diversifikohet nga gazi natyror rus dhe të forcojë stabilitetin e rajonit së bashku me aleatë të tillë si Izraeli dhe Qiproja”. Greqia, siç thotë “cari” i energjisë, “është gati për partneritete transformuese”, ndërsa njofton investime dhe partneritete strategjike në sektorët e transportit detar dhe ndërtimit të anijeve.
Ai foli per rolin e rendesishem te Greqise.
“Në terminalin e LNG-së në Revithoussa, pamë nga afër se 35 anije kanë dorëzuar LNG këtë vit. 31 prej tyre erdhën nga SHBA-të. Ky vëllim në rritje i ngarkesave të gazit natyror amerikan në Greqi është dëshmi e momentit në forcim të këtij bashkëpunimi energjetik. Dhe ndërsa ky bashkëpunim forcohet, po bëhet e qartë se të dy vendet po ndërmarrin hapa të rëndësishëm drejt forcimit të sigurisë energjetike të Evropës, me Shtetet e Bashkuara që luajnë një rol qendror në këtë ndryshim”, tha ai.
Sipas tij Greqia mbetet një forcë dominuese në transportin detar ndërkombëtar duke nenvizuar se presin diskutime dinamike dhe mundësi të reja për të zhvilluar më tej këtë sektor kritik, veçanërisht ndërsa Greqia dhe SHBA-të eksplorojnë rrugë të reja bashkëpunimi. “Perspektivat për industrinë e transportit detar midis dy vendeve janë premtuese, me këto diskutime që hapin rrugën për investime dhe partneritete strategjike edhe më të mëdha.
Destinacioni i Investimeve – Vendndodhja unike gjeografike e Greqisë, e kombinuar me politikat miqësore ndaj investimeve të Kryeministrit Mitsotakis, e bën vendin një destinacion gjithnjë e më tërheqës për investimet ndërkombëtare, veçanërisht nga SHBA-ja”, tha ai.
