Gazetari Fatmir Popja është zgjedhur sot kryetar i Unionit të Gazetarëve Shqiptarë të Qarkut Elbasan. Kolegu i njohur pason në këtë detyrë gazetarin Besim Dybeli, i cili e drejtoi unionin për shumë vite, me përkushtim dhe devotshmëri, ndërsa dha dorëheqjen pak kohë më parë. Në mbledhjen e zhvilluar të degës së UGSH, kryetari i dorëhequr Dybeli falenderoi kolegët e vet për besimin dhe mbështetjen e dhënë ndër vite, duke e shndërruar degën e UGSH në organizatën më aktive dhe më të shumëvlerësuar ndër krejt degët e Unionit dhe në tërësi në jetën e komunitetit të gazetwrëve shqiptarë.”Pata fatin dhe nderin që ta drejtoj këtë degë për më tepër se 15 vjet. Kohë më parë, do të bëja dorëheqje nga kjo detyrë, për t’i hapur rrugë drejtimit të ri”, tha Besim Dybeli. Për të ndjekur ecurinë e kësaj mbledhjeje, asistoi kryetari i UGSH- me qendër në Tiranë, z.Aleksandër Çipa si dhe Piro Shkaba në cilësinë e koordinatorit në procesin e votimit. Z.Çipa do të vlerësonte këtë bashkësi gazetarësh për profesionalizmin dhe kompaktësinë e treguar për dekada me radhë. Nga të pranishmit u propozuan tri kandidatura, ku me votim të fshehtë rezultoi fitues gazetari
në karrierë, Fatmir Popja. Takimi u përshkua edhe nga diskutime rreth mungesës se pagesës së kontributeve apo dhe pagave nga shumë kompani mediatike. Me këtë rast, unë i uroj drejtuesit të ri e kolektivit të gazetarëve të këtij qarku shumë suksese në këtë profesion sa të vështirë, aq edhe fisnik. Sidoqoftë, unë mbetem anëtar aktiv i kësaj dege dhe vazhdoj obligimin tim si anëtar i Bordit drejtues të Unioni të Gazetarëve Shqiptar me qendër në Tiranë , duke dhënë mdihmesën timë nga një përvojë shumë e gjatë në media.
Drejtuesi i UGSH duke iu përgjigjur shqetësimeve të kolegëve foli për sfidat më të mprehta të komunitetit profesional aktualisht si dhe për cështje të mbetura pa zgjidhje në vite si dhe apeloi për qëndrime të unifikuara dhe solidaritet në përballjen me institucionet për negocimin e disa ndryshimeve që lypin ndërhyrje të institucioneve ligjore si Parlamenti, Instituti i Sigurimeve Shoqërore dhe Inspektoriatit të Punës etj.,.
Në mbledhje kolegët ngritën probleme të ndryshme të gjendjes socioekonomike të gazetarëve dhe krejt punonjësve të medias, sidomos cështjen e pazgjidhur të sigurimeve shoqërore si dhe mungesën e një solidariteti gjithëkomunitar për të negociuar problemet e rënda të informalitetit dhe të pasigurisë në skenën mediatike të vendit.
Në zgjedhjet e sotme si Kordinatore e degës së UGSH u zgjodh kolegia Miranda Sadiku si dhe bordi drejtues i degës nga koleget Entela Duka, Edisona Skënderi dhe Taulant Pilavi.
