Policia në Vushtrri ka arrestuar tre persona të dyshuar për veprën penale “Organizim i skemave piramidale dhe bixhozit të paligjshëm”.
Policia njofton se arrestimi është bërë mbi dyshime të arsyeshme dhe bazuar në prova të siguruara se brenda një lokali ata po zhvillonin veprimtari të kundërligjshme të lojërave të fatit.
Sipas policisë, gjatë kontrollit, në cilësi të provave materiale janë sekuestruar tre telefona, një shumë parash prej 525 eurosh, tiketa dhe dëshmi të tjera relevante.
Pas intervistimit, me aktvendim të prokurorit të rastit, të dyshuarve u është caktuar masa e ndalimit prej 48 orësh. Ndaj tyre është iniciuar rast për veprën penale “Organizim i skemave piramidale dhe bixhozit të paligjshëm”.
