Një gjykatë në Paris e ka shpallur ish-presidentin francez, Nikola Sarkozy fajtor ku u akuzua per marrjen e miliona eurove në financim të paligjshëm nga Muammar Gaddafi për fushatën e tij të suksesshme zgjedhore të vitit 2007 .
Ai u shpall i pafajshëm për të gjitha akuzat e tjera, përfshirë korrupsionin pasiv dhe financimin e paligjshëm të fushatës në vlerë prej dhjetëra milionë dollarësh.
Sarkozi, i cili i mohon akuzat dhe flet për persekutim politik, u akuzua se kishte arritur një marrëveshje me Gadafin në vitin 2005, kur ai ishte ministër i brendshëm i Francës, për të marrë fonde për fushatën e tij zgjedhore në këmbim të mbështetjes së qeverisë libiane të atëhershme të izoluar në skenën ndërkombëtare.
Presidenti i gjykatës shpjegoi se Sarkozi u shpall fajtor për pjesëmarrje në një organizatë kriminale sepse “i lejoi bashkëpunëtorët e tij të ngushtë të vepronin me qëllim marrjen e mbështetjes financiare” nga regjimi libian.
Ish-ministri Brice Ortfeu, nga ana e tij, u shpall fajtor për pjesëmarrje në një organizatë kriminale. Ai u akuzua gjithashtu për bashkëpunim në financimin e paligjshëm të fushatës.
Kryetari i gjykatës njoftoi gjithashtu se tre të pandehur u liruan nga akuzat.
