Policia e Kosovës ka zhvilluar një operacion të gjerë në Prishtinë dhe Fushë Kosovë, ku gjatë bastisjes së tri lokacioneve janë konfiskuar armë, para dhe pajisje të ndryshme, ndërsa tre persona janë arrestuar dhe dërguar në mbajtje.
Mëngjesin e së martës, më 24 shtator, Policia e Kosovës në bashkëpunim me Prokurorinë ka zhvilluar një operacion në tri lokacione të ndryshme, ku ka gjetur dhe konfiskuar armë, para të gatshme dhe pajisje të ndryshme.
Nga bastisjet janë sekuestruar: një armë zjarri AK-47, dy pistoleta, një revole laps, tre karikatorë, katër telefona, 58 fishekë, një pajisje DVR, 3,920 euro para të gatshme, dy thika, dy SIM kartela, një pasaportë e Serbisë, një peshore elektronike, një llap top, dy kartela bankare, një maskë si dhe një jelek për mbajtjen e armëve të zjarrit.
Policia ka bërë të ditur se lidhur me rastin janë arrestuar tre persona të dyshuar, meshkuj K/Shqiptarë, të cilët me vendim të prokurorit janë dërguar në mbajtje.
