Trupi i pajetë i një burri, i cili kishte rënë sot në një bunar në fshatin Lypeniq të Pejës, është nxjerrë nga ekipet e shpëtimit.
Lajmin e ka konfirmuar zëdhënësi i Policisë për Rajonin e Pejës, Fadil Gashi, i cili ka bërë të ditur se vdekjen e viktimës e ka konstatuar ekipi mjekësor në vendngjarje.
“Njoftojmë se trupi i viktimës është nxjerrë nga bunari. Vdekjen e ka konstatuar ekipi mjekësor”, ka thënë Gashi.
Në operacionin për nxjerrjen e trupit janë përfshirë njësitë e Policisë së Kosovës, Forca e Sigurisë së Kosovës si dhe njësitë e zjarrfikësve.
Autoritetet kanë nisur hetimet për të sqaruar rrethanat e incidentit.
