Fuqizimin e rolit të grave në vendimmarrje e premtoi sot Alban Hyseni, kandidat i Lëvizjes Vetëvendosje për kryetar të Gjilanit, në një takim elektoral me gratë e kësaj komune. Sipas tij, ky fuqizim do të behet duke i përkrahur ato me projekte e grante të ndryshme që jo vetëm se do ta rrisin mirëqenien ekonomike të tyre, por do të kontribuojnë edhe në të mirë të komunës.
Duke kërkuar edhe një mandate në krye të Gjilanit me premtimin se projektet e nisura do të realizohen të tjera do të fillojnë, Alban Hyseni, kandidat për kryetar të Gjilanit nga Lëvizja Vetëvendosjes, mbajti takim elektoral me gratë e kësaj komune. Para tyre ai ka prezantuar planin zhvillimor për Gjilanin, përfshirë edhe projektet që lidhen me mirëqenin e grave.
Hyseni tha se qeverisja e tij në katër vitet që vijnë, do t’i kushtojë grave sipërmarrëse të kësaj komune, duke i përkrahur ato me grante të ndryshme, por edhe duke shtuar përkujdesjen shëndetësore.
“Plani ynë me se shumti do te bazohet te gratë, duke i mbështetur në çdo fushë, me shërbime të reja administrative, përmes fondeve do t’i mbështesim gratë sipërmarrëse dhe vajzat studente”, tha pos tjerash Hyseni.
Në këtë tubim elektoral, teksa kërkoi votën e tyre me 12 tetor, kandidati I Lëvizjes Vetëvendosje për kryetar të Gjilanit, u zotua para grave të kësaj komune edhe për fuqizimin e rolit të tyre në vendimmarrje.
