Ndryshime në lagje të Prishtinës, me projekte konkrete, premtoi sot Uran Ismaili, kandidat i Partisë Demokratike të Kosovës për kryetar të kryeqytetit. Në bisedë me banorët e lagjes Vellusha, Ismaili tha se ndriçimi, transporti publik e mirëmbajtja do të jenë disa nga projektet që do t’i realizojë, pa lënë anash edhe lirimin e hapësirave publike.
Uran Ismaili, kandidati për kryetar të Prishtinës nga Partia Demokratike e Kosovës, ka zhvilluar takim me banorët e lagjes ” Vellusha” në kryeqytet. Para banorëve të kësaj lagjeje, Ismaili u zotua për realizim të investimeve, që sipas tij, janë pjesë e programit qeverisës komunal. Duke shprehur bindjen se investimet kanë munguar nga qeverisja lokale për këtë zonë të Prishtinës, ai ofroi pesë zgjidhje për kryeqytetin, përmes projekteve konkrete.
“Javen e pare do ta parë vendimin për hapjen e sheshit, trafikun urban, …për pjesen e vjetet të qytetit , qëndrimi i qendrës komunitare multifunksionale, infrastrukturë siguri dhe zhvillime… ndriçim i secilës rrugë dhe hapësirë publike 70 % të rrugëve të pandriçuara, kontejner të rijnë dhe ekipe shtesë, kamion, ndërtim i trotuareve, linja të reja në transport publik, plani për konservim dhe restaorim, dhe zhvillim të zonës, të cilën do ta miratojmë në 2 vitet e para, renovimin e shtëpisë së pleqve, dhe një çerdhe …”, tha pos tjerash Ismaili
Derisa Prishtinën e cilësoi si qytetin më të fuqishëm në Kosovë, Ismaili theksoi se bashkë me PDK-në, do të fokuset në projekte madhore.
Qytetarëve të kësaj lagje iu drejtua edhe kandidati për Kuvendin Komunal, Plator Gërdovci i cili premtoi angazhim për ndryshim në kryeqytet si në planin urbanistik ashtu edhe në atë të mirëmbajtjes.
