Ministrja në detyrë e Arsimit, Shkencës, Teknologjisë dhe Inovacionit, Arbërie Nagavci, bëri të ditur se sot ka marrë pjesë në ceremoninë e ndarjes së çmimeve për fituesit e edicionit të tretë të programit “Supershkollat e Kosovës”.
Nagavci, në një postim në Facebook, tha se 11 shkolla të mesme nga Kosova janë të përfshira në zbatimin e ciklit të këtij projekti, së bashku me partnerë nga palët e tjera kontraktuese të rajonit të Ballkanit Perëndimor.
“Projekti synon të krijojë një mjedis ku të rinjtë mund të bashkëpunojnë dhe të mësojnë nga njëri tjetri, duke kontribuar në ndërtimin e një të ardhmeje më të mirë dhe më të qëndrueshme për të gjithë. Falënderoj për mbështetjen Bashkimin Evropian dhe Ministrinë Federale të Gjermanisë për Bashkëpunim dhe Zhvillim Ekonomik, si financues të projektit”, shkruan Nagavci, dhe njëherësh uron shkollat përfituese për suksesin e arritur.
Ministrja në detyrë e Arsimit, Shkencës, Teknologjisë dhe Inovacionit, Arbërie Nagavci, bëri të ditur se sot ka marrë pjesë në ceremoninë e ndarjes së çmimeve për fituesit e edicionit të tretë të programit “Supershkollat e Kosovës”.
