Tre fëmijë vdiqën në shembjen e shkollës islame Al Khoziny në qytetin indonezian Sidoarjo, Java Lindore, ndërsa 38 të tjerë rezultojnë të zhdukur nën rrënoja.
Studentët, shkruan BBC, janë të moshës midis 12 dhe 17 vjeç.Ata ishin mbledhur për t’u lutur kur ndërtesa u shemb. Kreu i agjencisë së kërkim-shpëtimit në Surabaya, Nanang Sigit, tha se besonte se kishte të mbijetuar në ndërtesën e shembur sepse dëgjoi “të qara dhe ulërima”. “Por ne duhet të mbetemi vigjilentë dhe të vazhdojmë me kujdes, sepse kushtet e ndërtesës së shembur janë të paqëndrueshme”, tha ai.
