Aktivistja suedeze për klimën, Greta Thunberg, u mor në paraburgim nga forcat izraelite pasi ndaloi anijet e flotiljes me ndihma për në Gaza, njoftoi Ministria e Punëve të Jashtme e Izraelit.
Ministria e Punëve të Jashtme e Izraelit ndau një video ku shihet Greta Thunberg duke u zbritur nga anija ndërsa merrte sendet e saj personale.
Izraeli ka disa orë që ka ndaluar në mënyrë të paligjshme anijet në ujërat ndërkombëtare. Greta Thunberg foli sot nga anija “Alma”, ku paralajmëroi për mundësinë e ndalimit të anijeve.
“Detyra ime është ta bëj të qartë: sonte do të na ndalojë Izraeli. Izraeli duhet të përgjigjet”, tha Thunberg.
Ministria e Jashtme izraelite shtoi se ata e kishin paralajmëruar më parë flotiljen se po “i afrohej një zone aktive luftimi dhe po shkelte një bllokadë të ligjshme detare” dhe i kishin urdhëruar ata të ndryshonin kursin.
