Stadiumet e Kosovës do të pajisen me reflektorë, ka bërë të ditur kryetari i Federatës së Futbollit të Kosovës, Agim Ademi, pas mbledhjes së radhës të Komitetit UEFA HatTrick, e cila është mbajtur në Kaunas të Lituanisë.
“Në këtë takim miratuam projekte të rëndësishme për federatat anëtare, mes tyre edhe projektin për instalimin e reflektorëve në stadiumet e Kosovës. Ky investim do t’i mundësojë Superligës sonë zhvillimin e ndeshjeve edhe në orët e mbrëmjes, duke rritur shikueshmërinë, atmosferën por edhe standardet e garës. Krenar që projektet e FFK-së po marrin mbështetjen e plotë të UEFA-s dhe që futbolli ynë po ecën drejt kushteve gjithnjë e më moderne. Bashkë për futbollin!”, ka deklaruar Ademi.
