Kandidatja për kryetare të Vushtrrisë nga radhët e Nismës, Xhevahire Izmaku, është takuar sot me vajzat dhe gratë e këtij qyteti. Në plan-programin e saj qeverisës ajo tha se vend dhe trajtim të veçantë do të ketë për gjininë femërore, duke filluar nga përkrahja financiare për shkollim e deri te shtimi i numrit të kopshteve publike.
Para zonjave të Vushtrrisë kandidatja për kryetare të kësaj komune Xhevahire Izmaku, shpalosi programin e saj për gjininë femërore. Por në fjalët e para gjate këtij tubimi elektoral, ajo shprehu solidaritet moral për të gjitha gratë që janë kandidate për kryetare të komunave.
Më pas Izmaku premtoi se me udhëheqjen e saj do t’i shtoj bursat për studentet dhe përkrahje të veçantë për nënat vetushqyese.
Kandidatja për kryetare të Vushtrrisë nga radhët e Nismës, premtoi edhe rregullimin e infrastrukturës.Izmaku gjithashtu premtoi se në Vushtrri do të shtohen inspektorët në sektorin privat me qëllim që të mos ketë diskriminim gjinor
