Kryetari i Lëvizjes Vetëvendosje, Albin Kurti, së bashku me kandidaten për kryetare të Vitisë, Arsim Ademi, kanë shpalosur para përkrahësve të tyre programin qeverisës dhe vizionin për zhvillimin e kësaj komune.
Në fjalimin e tij para banoreve në fshatin Pozhoran, Kurti theksoi ofrimin e zgjidhjeve konkrete për problemet me të cilat përballen banorët e Vitisë. Tha se me qeverisjen e Vetëvendosjes ndryshimi do të jete i prekshëm në çdo fushë të jetës, nga infrastruktura, deri te arsimi e shëndetësia.
Kandidati për kryetar të Vitisë, Arsim Ademi, shpalosi prioritetet kryesore të programit të tij, duke vënë në pah zhvillimin ekonomik lokal, mbështetjen në fushën e kulturës, sportit e artit, e ndërtimin e objekteve të reja te arsimit.
“Fusha e arsimit është njëra nga prioritetet e kryesore, si edhe ngritja e numrit të çerdheve. Do të rrisim numrin e çerdheve, një prej tyre do të jetë në Pozharan, nga pesë çerdhet që do ndërtohen në gjithë komunën”, tha pos tjerash Ademi
Ademi tha se vendimi për ndryshim është në duart të qytetarëve, duke shtuar se ata meritojnë një qeverisje që mbanë fjalën, është transparente dhe që punon për mirëqenien e tyre.
