Në konferencën për mediat këtë të premte nga kryeministria, kreu i qeverisë Edi Rama, njoftoi të gjitha masat e reja ligjore që lidhen me lejet e ndërtimit, të cilat janë të gjitha në fuqi prej tani.
Një prej masave që u njoftua, është dhe regjistrimi në Kadastër, apo konfiskimi nëse shkelen rregullat ligjore.
“Një masë tjetër është regjistrimi i lejeve të ndërtimit pranë Kadastrës dhe njoftimit të dhomës kombëtare të noterisë. Rregulla të qarta për konfiskimet për interes publik, apo strehim.
Çdo ndërtim që do shkelë lejen në masën 2%, do konfiskohet. Kemi bërë dhe një dallim, që deri në masën 10% konfiskohet vetëm ajo shtesë.
Edhe për muret rrethuese do merret leje. Ato që janë për qëllim fitimi, i bërë pa leje, do prishet, ndërsa për familjet do ketë mirëkuptim për afate”, tha Rama.
Një tjetër masë ligjore lidhet me ankimimin e vendimeve.
“Ankimi nuk e pezullon ekzekutimin përfundimtar të autoritet të zhvillimit të territorit. Ka pasur shumë spekulime dhe abuzime. Një tjetër risi është rritja e rolit të policisë së shtetit për kontroll dhe monitorim të trerritorit”, shtoi kryeministri.
