Shërbimet ruse të sigurisë arrestuan miliarderin Ibrahim Suleimanov në Moskë me dyshimin për vrasje. Sipas informacionit të dhënë nga burime nga autoritetet gjyqësore për agjencinë ruse të lajmeve TASS, kjo është një vrasje e kryer “në vitet e mëparshme”.
Veprim i përbashkët i policisë dhe shërbimit sekret
Suleimanov u arrestua në një operacion të përbashkët nga Ministria e Punëve të Brendshme dhe Shërbimi Federal i Sigurisë (FSB). Çështja penale po zhvillohet nga Komiteti Qendror Hetimor.
“Ibrahim Suleimanov u arrestua në Moskë. Ai dyshohet për një krim sipas nenit 105 të Kodit Penal të Federatës Ruse (vrasje)”, tha një burim për TASS.
Kush është Ibrahim Sulejmanovi?
Në vitin 2024, Ibrahim Sulejmanov dhe vëllai i tij Rasul ishin pronarë të një kompanie të madhe IT “Sirena-travel”, e cila merret me teknologji për shërbime udhëtimi.
Detajet rreth vetë vrasjes, si dhe koha kur dyshohet se është kryer, nuk janë ende të njohura për publikun.
