Në një takim me banorët e Kodrës së Trimave në Prishtinë, kreu i Lidhjes Demokratike të Kosovës, Lumir Abdixhiku, ka thënë se kryeqytetit i duhet vizion e stabilitet dhe se këtë e garanton vetëm LDK me Përparim Ramën.
Vetëm shtatë ditë para zgjedhjeve lokale të 21 tetorit, Lidhja Demokratike e Kosovës ka mbajtur tubimin e radhës në lagjen Kodra e Trimave në Prishtinë. Në fjalimin e tij para përkrahësve të partisë së tij, kreu i LDK-së, Lumir Abdixhiku theksoi se Kodra e Trimave ka qenë gjithmonë vatër e Lidhjes Demokratike të Kosovës, ndërsa u shpreh se vizioni i filluar katër vite më parë do të vazhdojë edhe në mandatin e ardhshëm.
Ai riktheksoi në këtë tubim se Prishtina ka nevojë për Përparim Ramën. Abdixhiku theksoi se Projekti më i madh, krenaria më e madhe e këtyre katër viteve, është mësimi tërëditor.
“Katër vite më parë, ne i dhamë këtij qyteti një vizion të ri dhe një kryetar ndryshe. Katër vite më parë, ne sollëm Përparim Ramën – një njeri të dijes, të arkitekturës, të urbanizmit modern, me përvojë ndërkombëtare dhe me ide që shohin përpara. Ai nuk erdhi nga politika e fjalëve të thata, ai erdhi nga bota e punës konkrete. Ai nuk erdhi për pushtet, por për qytetin. Ai nuk erdhi për retorikë, por për vizion. Dhe katër vite më pas, kryeqyteti është dëshmia më e qartë e suksesit të këtij vizioni. Projekti më i madh, krenaria më e madhe e këtyre katër viteve, është mësimi tërëditor. Për herë të parë në historinë e Prishtinës, fëmijët tanë kalojnë ditën e tyre në shkolla moderne, me kushte të denja, me ushqim të sigurt, me kujdes të veçantë pedagogjik, me aktivitete të shumta që i përgatisin për jetën”, tha ai.
Abdixhiku përmendi edhe projektin e Unazës së brendshme të kryeqytetit duke e cilësuar atë si shpëtim nga kaosi urban.
“Një projket tjetër që ka nis Përparimi është ai i unazës së brendhshme të Prishtinës. Për vite të tëra ky projket eksizton vetëm në letra mne premtimin e fjalë të thata. Unaza po bëhet realitet, ky projekt i madh po bëhet frymëmarrja e kryeqytetit, shpëtimi nga kaosi urban. Lidhjes mes lagjeve dhe Kodrës së Trimave patjetër, me cdo lagje të qytetit. Krah të unazës kemi edhe rrugën A, boshtin e ri të zhvillimit ekonomik të Prishtinës. Ky koridor urban i ri, u bë dhe po bëhet realitet vetëm me Përparimin dhe Lidhjen Demokratike të Kosovës”, tha ai.
Kandidati për kryetar të Prishtinës, Përparim Rama, para të pranishmëve tha se puna e katër viteve të fundit ka sjellë transformim në çdo lagje të qytetit, duke përfshirë edhe Kodrën e Trimave. Ai tha se LDK mendon për qytetin e për secilën familje, duke shprehur besimin se më 12 tetor, Prishtina do të fitojë me LDK-në pa balotazh.”
“Kemi fillu para 4 vitesh me projkete të mëdhaja.Me projekte madhore me projkete të guximshme, me projekte që kërkush nuk ka mendu që nuk ka guxu ndoshta me i paraqit për arsyeje jo që nuk kanë dasht, por nuk kanë ditë. Kjo nuk është rezulatat i ndionjë arogance, por rezulatet i vetëbesimit të bazuar në profesionalizëm, të bazuar në projekte të cilat i kemi kryer më përpara. Trasnformimi është duke ndodhur në secilën pjesë të kryeqytetit. E përmendëm mësimin tërëditor, si projket madhor trasformues. Kjo është për të ardhmën tonë, për fëmijët e mrekullueshëm me ju kriju kushte më të mira, të mira si në në botë. Sot me mësim tërëditor përvec kurikulës standarde kemi edhe aktivitete ekstrakurikulare. Cka do të thotë mësimi tërditor në aspektin ekonomik sikur me t’i dhënë 200-300 euro në muaj për secilën familje që ka fëmijë në mësimin tërëditor e që Kodra e Trimave i ka 3 shkolla me mësim tërëditor, më shumë se cdokund tjetër. Vranjevci pri me mësim tërëditor sepse ju kam premtuar se fokus kam me pas Vranjevcin edhe në fokus e kemi pas Vranjevcin. Projketet e mëdha si rigjenerimi i Kodrës së Traimave është projket që merr kohë, që merr analizë dhe tash projket që e kemi gati. Plani Zhvillimor Komunal që që do të jetë pran Vranjevcit duke organizuar e planifikuar tash fshatin olimpik i cili është i ndërlidhur drejtëpërdrejtë me Vranjevcin, shkollën atje edhe Qendrën e Artit dhe Teknologjisë që lidhet drejpërdrejtë me Vranjevcin, tregon që e ardhmja jo vetëm që është e ndritshme, por Vranjevci do të shkëlqej sikurse meriton”, theksoi Rama.
Lidhja Demokratike e Kosovës prezantoi edhe listën e kandidatëve për Asamblenë Komunale të Prishtinës.
