Prezantuesja e famshme televizive Christel Maduagwu (29) vdiq ndërsa përpiqej të arratisej nga grabitësit e armatosur në Nigeri.
Duke ikur nga grabitësit, ajo u hodh nga kati i tretë i ndërtesës ku jetonte, duke u përpjekur të shpëtonte nga burra të armatosur që hynë me forcë në apartamentin e saj.
Policia e gjeti prezantuesen e njohur pa ndjenja dhe e dërgoi me urgjencë në spital, por pavarësisht të gjitha përpjekjeve të mjekëve, ajo u shpall e vdekur në spital.
Policia ka krijuar një njësi të posaçme hetimore për të gjetur të dyshuarit dhe për t’i nxjerrë ata para drejtësisë.
– Me hidhërim të thellë, menaxhmenti dhe stafi i ARISE News njoftojnë vdekjen e koleges sonë të dashur, prezantueses së lajmeve, reporteres dhe producentes. Ajo ndërroi jetë tragjikisht në orët e para të së hënës, më 29 shtator, pas një incidenti me grabitje të armatosur në shtëpinë e saj, i cili aktualisht është nën hetim policor, sipas medias për të cilën ajo punonte.
Rrjeti i lajmeve shprehu gjithashtu ngushëllimet e tij të sinqerta familjes dhe miqve të saj.
“Shprehim ngushëllimet tona më të thella prindërve, vëllezërve dhe motrave të saj, të afërmve, miqve dhe të gjithë atyre që e deshën.
