Investime kapitale, tërheqje e investitorëve te huaj e zhvill te turizmit rural janë në fokus të veçantë. Andaj, me premtimin për angazhim më të madh në këto fusha, kryetari i PDK, Memli Krasniqi, bashkë me kandidatin për kryetar të Rahovecit, Edon Cana, mbajtën takim elektoral me qytetarët e kësaj komune.
Derisa bëri thirrje që rahovecasit ta votojnë Canën për kryetar. Krasniqi tha se Rahoveci meriton një qeverisje të përgjegjshme që i kthen qytetarët në qendër të zhvillimit. Ai theksoi se PDK ka njeri të përkushtuar dhe vizion të qartë për ta çuar përpara komunën.
“Ky vend e meriton një drejtim të ri. Mjafton për ata që shëtitin nëpër Rahoevc, e sheh që diçka po mungon, ka potencial po s’ka njerëz, ka tokë po s’ka zhvillim të vërtetë, prandaj për këto arsye kemi vendosur që para qytetarëve të sjellim një kuadër të përgatitur dhe ku është Edon Cana”, tha Memli Krasniqi, kryetar i PDK-së.
E kandidati për kryetar të Rahovecit nga radhët e PDK-së, Edon Cana, veçoi prioritet e tij duke u nisur nga zhvillimi ekonomik lokal, mbështetje për bujqit dhe krijimi i kushteve dhe mirëqenies më të mirë për të gjithë qytetarët.
“Zhvillimin e turizmit rural dhe ky turizëm karakteristikë bujqësore dhe me se shumti ne shpirtin e Rahovecit. ‘Rahoveci 2035’ do ta mundësojë që këtë potencial që ka komuna me shndërrua në zhvillim ekonomik…,vitin e parë do të punojmë për t’i zgjidhur problemet bazike, uji i kanalizimit dhe gjitha nevojat, se pa ujë nuk ka turistike. Xerxën do ta bëjmë qendër ekonomike dhe tregtare, duke shndërruar një zonë ekonomike prej 35 hektarësh”, tha Edon Cana, kandidat për kryetar te Rahovecit nga PDK
Për ta bërë Rahovecin më të mirë dhe më ndryshe nga sa është sot, kandidati i PDK-së për kryetar të komunës, Edon Cana, tha se kjo mund të arrihet nëse zgjidhet ne krye të kësaj komune.
