Kryetari i Odës Ekonomike të Kosovës, Lulzim Rafuna, u prit në një takim nga ambasadorja e re e Finlandës, znj. Eevamari Laaksonen, me të cilën diskutoi për thellimin e bashkëpunimit ekonomik dhe forcimin e marrëdhënieve ndërmjet Kosovës dhe Finlandës.
Ky takim u zhvillua një ditë para Forumit Ekonomik Kosovë–Finlandë, i cili mbahet nesër në Prishtinë.
“U theksua interesimi i bizneseve kosovare për të krijuar lidhje me kompanitë finlandeze, si dhe për të shtrirë aktivitetin e tyre në tregun finlandez. Takimi u vlerësua si një mundësi e mirë për të intensifikuar bashkëpunimin ekonomik dhe për të nxitur projekte të përbashkëta që do të sjellin zhvillim dhe rritje të qëndrueshme për bizneset kosovare”, njofton OEK.
