Festimi shndërrohet në një ferr të ri: Izraeli kryen sulm të ashpër në qytetin e Gazës, njerëzit nxirren nga rrënojat

Ushtria izraelite kreu sulme ajrore sonte në mbrëmje në vendbanimin Sabra në qytetin e Gazës.

Ata deklaruan se objektivi i sulmit ishte një qelizë operativësh të Hamasit, anëtarët e së cilës “vepruan pranë ushtrisë dhe përbënin një kërcënim të menjëhershëm për trupat e IDF-së që vepronin në zonë”.

Agjencia e Mbrojtjes Civile të Gazës raportoi se sulmi shkaktoi shembjen e ndërtesës, me gati 40 persona të bllokuar nën rrënoja. Agjencia tha se u gjetën katër trupa.

Më herët gjatë ditës së sotme, u ra dakord për një armëpushim midis Hamasit dhe Izraelit në Egjipt dhe pritet konfirmimi nga qeveria izraelite që ai të hyjë në fuqi.

Armëpushimi pritet të hyjë në fuqi 24 orë pasi qeveria izraelite të miratojë fazën e parë.