Policia e Kosovës, në bashkëpunim të ngushtë me Agjencinë e Kosovës për Inteligjencë (AKI) dhe Prokurorinë, ka arrestuar sot Fatmir Shehollin, me dyshimet e bazuara për përfshirje në veprime spiunazhi.
Ministri në detyrë i Punëve të Brendshme, Xhelal Sveçla, ka theksuar se rasti po trajtohet me seriozitet të lartë. “Pres trajtim institucional me seriozitet të lartë të këtij rasti, i cili përbën një nga aktet më të rënda ndaj sigurisë dhe rendit kushtetues të Republikës së Kosovës”, tha ai.
Sveçla ka shtuar se individë si Sheholli, që kanë pasur hapësira mediatike të pakufizuara, kanë bashkëpunuar me aktorë që punojnë për të minuar Republikën dhe progresin e saj. Ministri Sveçla ka nënvizuar përkushtimin e institucioneve për të mbrojtur vendin nga të gjitha qarqet që rrezikojnë sigurinë e Kosovës.
“Mbesim të përkushtuar të mbrojmë vendin tonë nga të gjitha qarqet që nuk hezitojnë ta rrezikojnë atë për çfarëdo përfitimi të tyre. Koha e spiunëve të Serbisë në Kosovë ka përfunduar. Kushdo që punon për Serbinë e kundër Kosovës do të ndiqet pa kompromis e pandalshëm. Republika duhet mbrojtur me përgjegjësinë më të lartë institucionale dhe morale”, ka shkruar Sveçla.
Kujtojmë se vete Sheolli vite më parë, në një nga televizionet kosovare, ka folur direkt me Millan Radojçiqin, i akuzuari kryesor për organizimin dhe sulmin në Banjskë, ku mbeti i vrarë polici Afrim Bunjaku.
