Britania njoftoi sot se më parë këtë javë, dy avionë të Forcave Ajrore Mbretërore fluturuan në një mision 12-orësh përkrah forcave amerikane dhe të NATO-s, duke patrulluar kufirin me Rusinë pas një serie ndërhyrjesh të fundit ruse me dronë dhe avionë në hapësirën ajrore të NATO-s.
“Ky ishte një mision i përbashkët i rëndësishëm me aleatët tanë, SHBA-në dhe NATO-n”, tha Sekretari i Mbrojtjes, John Healey.
“Kjo jo vetëm që na ofron inteligjencë të vlefshme për të rritur ndërgjegjësimin operacional të forcave tona të armatosura, por në të njëjtën kohë i dërgon një mesazh të fortë uniteti të NATO-s Presidentit rus Vladimir Putin dhe kundërshtarëve tanë”, shtoi Healey.
Avioni special i zbulimit britanik RC-135 Rivet Joint, i specializuar në mbikëqyrje elektronike, dhe avioni i patrullimit detar P-8A Poseidon fluturuan nga rajoni i Arktikut të enjten, duke kaluar nëpër Bjellorusi dhe Ukrainë, të mbështetur nga një avion amerikan i furnizimit me karburant KC-135.
Britania raportoi se operacioni pasoi ndërhyrjet në hapësirën ajrore të vendeve anëtare të NATO-s, përfshirë Poloninë, Rumaninë dhe Estoninë.
Më herët këtë muaj, udhëheqësit e Bashkimit Evropian mbështetën planet për të forcuar mbrojtjen e bllokut kundër dronëve rusë.
