Sekretarja e Përgjithshme e Partisë Demokratike të Kosovës, Vlora Çitaku ka thënë se sot fituan qytetarët, fituan zgjedhjet e lira dhe të drejta dhe se fitoi demokracia e pjekur e Kosovës.
Çitaku ka falënderuar të gjithë qytetarët për besimin. “Në tërësi, sot fituan qytetarët, fituan zgjedhjet e lira dhe të drejta, fitoi demokracia e pjekur e Kosovës. Por mbi të gjitha, fituan qytetet dhe komunat që besuan në punë, në përgjegjësi dhe në vizion. Ne jemi thellësisht mirënjohës për çdo votë të dhënë sot, për çdo qytetar që e ushtroi të drejtën e tij demokratike, që besoi tek ekipi ynë, tek kandidatët tanë dhe tek vizioni ynë për zhvillim e dinjitet. Tani, vazhdojmë me përkushtim dhe me besim drejt rikonfirmimit të fitoreve në çdo komunë ku jemi në balotazh. Energjia dhe mbështetja që pamë sot janë garanci e qartë se qytetarët duan stabilitet, punë dhe rezultate. Faleminderit çdo aktivisti, çdo vëzhguesi dhe çdo qytetari që sot e bëri këtë ditë të madhe për demokracinë tonë”, ka thënë Çitaku në një konferencë për media.
