Në Ballin Gala PUPIN në Uashington, të organizuar për nder të shkencëtarit serbo-amerikan Mihajlo Pupin, rolin e DJ e mori ambasadori serb në Shtetet e Bashkuara, Dragan Šutanovac. Festimi u mbajt dy ditë më parë në ambasadën serbe.
Në videon që ai publikoi në profilin e tij zyrtar në Instagram, Šutanovac shihet duke kërcyer në tavolinën e miksimit dhe duke luajtur muzikën e Svetlana Ražnatović Ceca.
Shutanovac, ish-Ministri i Mbrojtjes i Serbisë, e postoi videon në Instagram dhe veprimi i tij shkaktoi një sërë reagimesh negative në Serbi.
Në kremtimin kushtuar veprës së Pupinit morën pjesë më shumë se 300 studentë nga universitetet më prestigjioze në Uashington, shkruan Nova.rs.
Pupini, i cili në vitin 1894 patentoi një aparat për transmetime telefonike dhe telegrafike në distanca të gjata, ishte gjithashtu konsulli nderi i Serbisë në SHBA, dhe për nder të tij, ambasadori Shutanovac liroi – Cecën.
