Shtëpia e futbollit evropian, UEFA, e ka vlerësuar paraqitjen e jashtëzakonshme të kombëtares së Kosovës, pas fitores së madhe kundër Suedisë në Gothenburg.
Dardanët mbrëmë mundën Suedinë, me rezultat 1-0, në kuadër të kualifikimeve për Kupën e Botës 2026.
Në një postim të veçantë në faqen zyrtare të saj në “Instagram”, UEFA ka ndarë emocionin e këtij suksesi historik.
“Fitore e madhe për Kosovën në Gothenburg”, shkruan UEFA.
Ky reagim i UEFA-s vjen pas një performance të shkëlqyer të “Dardanëve”, të cilët me shpirt garues dhe vendosmëri arritën një triumf që i forcon edhe më shumë në garën për kualifikim drejt Botërorit 2026.
